Á ábyrgð okkar Íslendinga allra

Geir Haarde og Davíð Oddson bera ábyrgð á mestu hagstjórnarmistökum lýðveldisins.

Við Íslendingar berum hins vegar allir sameiginlega ábyrgð á því að þessir menn séu enn í sama starfi. 

Hvernig getum við látið sem við séum fórnarlömb, ófær um að greiða okkar skuldir, á meðan við leyfum þessu tvíeyki að halda áfram að ráðskast með okkur?

 

Veikir málstað Íslendinga

Athugasemdir

[Skarfurinn, 24.11.2008 kl. 10:42]

Mjög góð spurning hjá þér, en hvað  getur maður gert meira  en mæta á útifundina og öskra sig hásan ? það má segja að það sé ekki alvöru lýðræði hér úr því stjórnvöld ætla að hundsa algjörlega það sem meirihlutinn vill.

[Sigurður Hrellir, 24.11.2008 kl. 11:10]

Sæll gamli vinur,

Ég segi nú bara eins og Skarfurinn, áttu einhver nothæf ráð í pokahorninu? Sjálfur hef ég mætt á mótmælafundi 4 helgar í röð, borgarafundi 3 sinnum og reynt að hafa áhrif á fólk í kring um mig. Þetta er eins og að berja hausnum við stein, engin merki eru um að neinn ætli að taka ábyrgð á stjórnunarmistökum sínum. Þetta endar með uppþotum og BB fær að siga sérsveit lögreglunnar á andstæðinga sína eins og hann sjáfsagt á vota drauma um.

[Magnús Már Halldórsson, 24.11.2008 kl. 15:24]

Já, hvað er hægt að gera?  Ég var einmitt að bæta við færslu þar sem ég hafði sömu áhyggjur og Hrellirinn [sömuleiðis, long-time-no-see!] af hættunni á uppþotum.

Í fyrsta lagi, myndi ég halda að kröfugöngur hefðu meiri áhrif en þessir ítrekuðu mótmælafundir. Fólk þarf að fá að vera meira virkt. Hvar eru allar trommurnar og lúðrarnir í boltaáhorfinu?

Í öðru lagi virðist flestum ljóst að fyrsta mál á dagskrá er að skipta um seðlabankastjóra. Hugsanlega með því að leggja embætti niður, eða jafnvel leggja niður stofnunina, en hvernig sem það gerist, þá er áríðandi atriði nr. 1 að senda Davíð Oddson á eftirlaun. Fyrst Geir Haarde þverskallast við, þá hefur hann skrifað sig frá frekari ábyrgðarhlutverki í íslenskum stjórnmálum. Hvernig væri að hefja undirskriftarherferð?

Í þriðja lagi þarf að athuga hvort þörf séu á samtökum almennra borgara sem óháð séu núverandi stjórnmálaflokkum. Við erum of dreifð og vanmáttug röflandi úti í horni. Getum við nýtt okkur tæknina betur?